രാജൂ , സിനിമയെ ഇഷ്ടപ്പെടുന്നവരും ആഗ്രഹിക്കുന്നവരും നിങ്ങളോടൊപ്പം ഉണ്ട് : പ്രിത്വിക്ക് പിന്തുണ പോസ്റ്റുമായി ലിസ്റ്റിൻ സ്റ്റീഫൻ

Listin Stephen Words On Empuran Movie : എമ്പുരാൻ സിനിമ റിലീസ് പിന്നാലെ കേരളത്തിലും ഇന്ത്യയിലും ഉയർന്ന വിവാദങ്ങൾ അവസാനിക്കുന്നില്ല. റിലീസ് പിന്നാലെ ഉയർന്ന രാഷ്ട്രീയ വിമർശനവും ചിത്രം റീ എഡിറ്റും എല്ലാം രണ്ട് തരത്തിലുള്ള അഭിപ്രായമാണ് സോഷ്യൽ മീഡിയയിൽ അടക്കം സൃഷ്ടിച്ചത്.സിനിമയിലെ 20ലധികം സീനുകൾ കട്ട് ചെയ്തു റീ എഡിറ്റഡ് പതിപ്പാണ് ഇപ്പോൾ തിയേറ്ററുകളിൽ ഓടുന്നത്. എന്നാൽ എമ്പുരാൻ സംവീധായകനായ പ്രിത്വിരാജിന് പിന്തുണയുമായി എത്തുകയാണ് സുഹൃത്തും നിർമ്മാതാവുമായ ലിസ്റ്റിൻ സ്റ്റീഫൻ.

പ്രിത്വിരാജ് മലയാള സിനിമയുടെ അഭിമാനമെന്ന് പറയുന്ന ലിസ്റ്റിൻ സ്റ്റീഫൻ സോഷ്യൽ മീഡിയ പോസ്റ്റിൽ ഇപ്രകാരം കുറിച്ചു. “മലയാള സിനിമയ്ക്ക് പരിമിതമായ ബജറ്റേ പ്രായോഗികമാകൂ എന്ന പഴയ നിയമത്തെ കാറ്റിൽ പറത്തി കുതിയ്ക്കുകയാണ് എമ്പുരാൻ.ഇത് ഒരു ഫാൻ ബോയ് വെറുതെ ആവേശം കൊള്ളുന്നതല്ലാ, ഒരു തീയറ്റർ ഉടമ സാക്ഷ്യപ്പെടുത്തുന്നതാണ്. കേരളം കണ്ട ഏറ്റവും വലിയ കളക്ഷനിലേക്ക് എമ്പുരാൻ പറന്നുയരുന്നത് കലയിലും വ്യവസായത്തിലും വലിയ സ്വപ്നങ്ങൾ കാണാനുള്ള സാധ്യത തുറന്നു വച്ചിട്ടാണ്.

മികച്ച ഒരു ടീമിൻ്റെ പരിശ്രമത്തെ സല്യൂട്ടടിച്ച് അഭിനന്ദിക്കേണ്ട നേരത്ത്, അതിൻ്റെ കപ്പിത്താനെ ഉന്നം വെച്ച് തേജോവധം ചെയ്യുന്നത് ആ വെക്തിയെ മാത്രമല്ല, സിനിമാ ഇൻഡസ്ട്രിയെ തന്നെയാണ് ദോഷമായി ബാധിക്കുന്നതാണ്”ലിസ്റ്റിൻ കുറിച്ചു.

” ചർച്ചയാവാം , വിയോജിപ്പുകളാവാം, പക്ഷേ പരിഹാസവും, തെറ്റായ പദങ്ങളും ഇല്ലാതെയാകണം.രാജു… ആദ്യമായി ഒരു വഴിവെട്ടുന്നവർക്കെല്ലാം നേരിടേണ്ടി വരുന്ന ചെറിയ കാര്യങ്ങളായി മാത്രം ഇതിനെ കാണുക, സമീപിക്കുക. സിനിമയെ ഇഷ്ടപ്പെടുന്നവരും, ആഗ്രഹിക്കുന്നവരും നിങ്ങളോടൊപ്പം ഉണ്ട്. കാരണം, ഇനിമുതൽ നമ്മുടെ കൊച്ചു കേരളം ഭൂപടത്തിൽ മറ്റെല്ലാ ഭാഷകളോടും കിടപിടിയ്ക്കും. രാജു… ഇതിന് മുമ്പും ഈ അവഗണനകൾ ഒക്കെ നേരിട്ടത് ആണല്ലോ.. ഇത് ഒന്നും ഒരു പുതുമയുള്ള കാര്യം അല്ലാ!! ഓരോ വെള്ളിയാഴ്ച എത്രയോ സിനിമകൾ ഇറങ്ങുന്നു, അതിൽ ഒന്ന് മാത്രം ആണ് ” എമ്പുരാൻ “. സിനിമയെ സിനിമ മാത്രം ആയി കാണുക.മലയാള സിനിമയിലെ കളക്ഷൻ കണക്കുകൾ ഇനി രണ്ടായി വിഭജിക്കപ്പെടും. Before EMPURAAN & After EMPURAAN” ലിസ്റ്റിൻ നിലപാട് വിശദമാക്കി.

Also Read :“എമ്പുരാൻ മേക്കിങ് വിവരിക്കുന്ന 90 മിനുട്ട് ഡോക്യുമെന്ററി വരും “തുറന്ന് പറഞ്ഞു പ്രിത്വിരാജ്