സൂപ്പര്‍ നാച്യൂറല്‍’ പടം മുഞ്ജ്യ ഒടിടി സ്ട്രീമിങ് ആരംഭിച്ചു; മികച്ച ഹൊറർ ത്രില്ലെർ എന്ന് സിനിമ പ്രേമികൾ..!
Munjya Movie Now In OTT: ശര്‍വരി, അഭയ് വര്‍മ്മ, മോണ സിംഗ്, സത്യരാജ് എന്നിവർ മുഖ്യ കഥാപാത്രങ്ങളായി എത്തുന്ന മുഞ്ജ്യ, മഡ്ഡോക്ക് ഫിലിംസിന്‍റെ സൂപ്പര്‍നാച്ചുറല്‍ യൂണിവേഴ്സിലെ നാലാമത്തെ ചിത്രമാണ്. 30 കോടി ബജറ്റില്‍ പുറത്തിറങ്ങിയ ചിത്രം ജൂണ്‍ 7 ന് തിയറ്ററുകളില്‍ പ്രദർശനമാരംഭിച്ചു. 132 കോടിയാണ് ആഗോള ബോക്സോഫീസില്‍ ചിത്രം നേട്ടമിട്ടത്.
പാന്‍ ഇന്ത്യന്‍ ചിത്രം കല്‍ക്കി 2898 എഡി തീയറ്ററുകളില്‍ എത്തുന്നത് വരെ മികച്ച കളക്ഷൻ നേടാൻ ചിത്രത്തിന് കഴിഞ്ഞിരുന്നു. 30 കോടി ചിലവിൽ ഇറങ്ങിയ ചിത്രം ഇതിനകം ബോക്സ് ഓഫീസില്‍ നിന്ന് തന്നെ നിര്‍മ്മാതാക്കള്‍ക്ക് ലാഭമുണ്ടാക്കി കൊടുത്തിട്ടുണ്ട്.തിയറ്ററിൽ തരംഗം സൃഷ്‌ടിച്ച മുഞ്ജ്യ ഇപ്പോൾ ഡിസ്നിപ്ലസ് ഹോട്ട്സ്റ്റാറിൽ ഒടിടി സ്ട്രീംഗ് ആരംഭിച്ചിരിക്കുന്നു. ഇത് സംബന്ധിച്ച് ഡിസ്നിപ്ലസ് ഹോട്ട്സ്റ്റാര്‍ തങ്ങളുടെ സോഷ്യല്‍ മീഡിയ ഹാന്‍റിലില്‍ അറിയിപ്പ് നല്‍കിയിട്ടുണ്ട്.
Munjya Movie Now In OTT
ആദിത്യ സര്‍ പോത്ദാര്‍ സംവിധാനം ചെയ്ത ചിത്രത്തിൽ മുഞ്ജ്യ മറാത്തി നാടോടിക്കഥകളിലെ ഒരു കഥാപാത്രമാണ്. മുണ്ടൻ ചടങ്ങ് കഴിഞ്ഞ് 10 ദിവസത്തിനുള്ളിൽ മരിക്കുന്ന ആണ്‍ കുട്ടികള്‍ വികൃതികളായ പ്രേതങ്ങളായി മാറും എന്നാണ് കഥ. കുട്ടിച്ചാത്തന്‍ തരത്തില്‍ മറാത്തി വിശ്വാസത്തിന്‍റെ ഭാഗമാണ് മുഞ്ജ്യ ഇതിനെ അടിസ്ഥാനമാക്കിയാണ് ചിത്രം ഒരുക്കിയത്. ഒപ്പം ചിത്രത്തിലെ മുഞ്ജ്യ എന്ന കേന്ദ്ര കഥാപാത്രം സിജിഐയിലാണ് എത്തിയത്.
2018-ൽ അമർ കൗശിക് സംവിധാനം ചെയ്ത സ്ത്രീ എന്ന ചിത്രത്തിൽ ആരംഭിച്ച മഡ്ഡോക്ക് ഫിലിംസിന്‍റെ സൂപ്പര്‍നാച്ചുറല്‍ യൂണിവേഴ്സ്,ഭേഡിയ എന്ന ചിത്രത്തിന് ശേഷം ഫ്രാഞ്ചൈസിലെ അടുത്ത ചിത്രമായി എത്തിയത് മുഞ്ജ്യയാണ്. 2024 ജൂൺ 7നു ആയിരുന്നു ഹോറർ ത്രില്ലെർ ചിത്രമായ മുഞ്ജ്യ തീയേറ്ററുകളിൽ എത്തിയത്. ചിത്രത്തിന് തീയേറ്ററുകളിൽ നിന്നും മികച്ച സ്വീകാര്യത ലഭിച്ചിരുന്നു. ചിത്രം ഒടിടി റിലീസിനായി നിരവധി പേർ കാത്തിരിപ്പിലായിരുന്നു.
